Integrated Pest Management (IPM) Strategy hman:
- Thlai chin kar lakah tha taka lei lehphut tur. FAW pupae (buhchium) lai leia awm kha an ral sava leh nisa em theihin a pho lang. Zero tillage (lei letphut lova thlai chin) a nih chuan Neem cake @ 500 kg/ha hman tur.
- Vaimim emaw thlai chi dang tuh hmain pesticides-a chiah emaw phul (seed treatment) tur a ni a. Seed treatment atan a hman chi te chu - Chlorpyriphos @ 5ml/kg seed emaw Imidachloprid @6ml/kg seed emaw Cyantranilipole + Thiomethoxam @ 4 ml/kg seed emaw Fipronil @ 5 ml/kg seed te an ni.
- Vimim leh FAW in a duh loh thlai thenkhat entirnan, Legumes (Behliang emaw Behlawi) te a inchawka chin. Thlai hmun vawnfai that leh fertilizer hman tlem a pawimawh tel bawk.
- FAW tam hunlai pumpelh theih nan thlai chin hun sawn hma emaw sawn tlai. Khawlum lutuk ah emaw vawt lutuk ah FAW a awm thei lo, ruahtui tlak tam laiin a tlem thin bawk.
- Thlai chinte ngun leh chik taka enthlithlai a, a tui leh pangang vaikhawm a, tihchhiat a tangkai thei. Lei leh vut/chinai emaw (9:1) pawlh kha vaimim zik karah phul ila pangang taksa nem a ti tawih thei.
- Rannung tangkai FAW hmelma entirnan, Trichogramma pretiosum emaw Telonomus remus @ 50,000 / acre kar tinin thlai hmun a chhuah a tangkai bawk.
- Huanah sava fuk theihna tur thing emaw tun/dah a tha. Hectare khat hmunah he sava fukna hi sawm (10) vel dah ila a tha.
- A hmaa kan ziah lam IPM Strategy hrang hrang te kan hman hnu pawha thlai kan ven hneh zawh loh chuan Chemical Pesticides kah (Quick Action Strategy) mai a tha.
- Heng Chemical te hi hman tur a ni e: Emamectin bezoate @ 0.4g per litre tuiah pawlh tur, Spinosad @ 0.3 ml/litre tui nen a chawhpawlh tur.
No comments:
Post a Comment