Thlai Tan a Leitha Hman Tur Leh Hman Dan

NUTRIENT MANAGEMENT

C. Lalhriatpuia

Dy. Project Director

ATMA

Champhai District

            Thlai te pawh hi mihring leh ran te ang tho a chaw tha mamawh an ni a. An taksa bung hrang leh a hnah leh a rah tha tak a insiam tur chuan chaw tha tak kan pek ve thin hi kan tih tur pawimawh tak te zing a mi a ni awm e.

            Thlai te tha tak a an than theih nan a hnuai a tar lan ang te hi an mamawh a-

1) Carbon

2) Hydrogen          Pek ngai lovin boruak atangin an hmu thin.

3) Oxygen

4) Nitrogen

5) Phosphorus Primary nutrients

6) Pottassium

7) Calcium

8) Magnesium   Secondary nutrients

9) Sulphur

10) Iron

11) Manganese

12) Zine

13) Copper            Micro nutrients

14) Boron

15) Molybdenum

16) Chloride 

17) Sodium

            A chung a kan thai lan tak te khi thlai in a mamawh hrang hrang te chu an ni a, khing zingah khian mamawh tam bik leh tlem deuh bik a nei ve leh a, chung te chu a hnuai a mi ang hian an then hrang bawk a ni-

1)     Primary or macro-nutrients: He mi awmzia chu thlai in a nitin a mamawh hnem bik chaw tha sawina a ni a. Chung te chu Nitrogen, Phosphorus leh Pottassium te hi an ni. Fertilizer emaw lei tha thlai kan pek hian khi mi pathum N;P,K te khi kan pe tih na a ni.

2)     Secondary nutrients: Heng zingah hi chuan Ca, Mg, leh S te hi an ni a. Thlai in a than pui tlin theih nan a tet te atangin a mamawh tan nghal a, mahse tam lutuk in a mamawh lem lo.

3)     Micro nutrients: Heng erawh hi chu thlai in mamawh tho mahse tlem te te in an mamawh thin a. Lei tha ang a pek vak pawh a ngai lem lo a ni.

            A chung a kan sawi tak ang zawng zawng khi thlai in a tawk chauh in a mamawh vek a. Khing zing a pakhat te pawh khi a hmuh loh chuan thlai thar tha a neih theih lova. Chuvangin uluk tak a lei tha pek hi kan tih tur pawimawh ber te zing a mi a ni.

FERTILIZER CHI HRANG HRANG TE

Nitrogenous fertilizers: Nitrogen pe tu lei tha a ni a. Thlai tan Nitrogen hi a pawimawh em em a, Nitrogen hi thlai thanna pe tu, a ti hring tu leh thil dang dang tan a pawimawh hle a ni. Nitrogen pe thei tu fertilizer te chu-

a)     Urea: Urea hi kan hmang nasa hle a, tangkai pawh a tangkai em em a ni. Urea hi tlem a al deuh a nih avangin leh thur ah chuan hman mi tak pawh a ni.

b)     Ammonium Sulphate: India ram hmung hrang hrang ah he fertilizer hi an hmang nasa hle a. Nitrogen chauh bakah sulphur pawh a pai tel bawk a, sulphur pawh thlai chaw tha pakhat a ni. A thur deuh avangin lei al a hman chi a ni thung.

c)     Calcium Ammonium Nitrate: A hma a mi ang bawk in thlai tan chaw tha pahnih a pai a, Nitrogen bakah Calcium pawh a pai tel bawk a ni. Lei thur ah emaw lei al ah a hman kawp theih ve ve a ni.

            A chung a kan tarlan bakah hian Nitrogen fertilizer hi tam tak a la awm a, mahse hman lar lutuk a nih hlawm lem loh avangin thai lang ta lo mai ila. Entirna a tan heng te hi an ni hlawm- Ammonium, Nitrate, Ammonium Sulphate Nitrate, Anhydrous Ammonia etc.

PHOSPHATIC FERTILIZERS

            Phosphorus pawh hi thlai tan a tangkai em em a. Thlai zung in siam nan te, thlai taksa chhung a chaw tha leh chakna in sem zai nan te, thlai thar tha tak kan neih theih nan te a pawimawh em em a ni. Phosphorus thlai tan a pe thei fertilizer te chu-

Bone meal: Saruh tihna mai a ni a, saruh ah hian phosphorus eng emaw zat a awm ve a ni. Bone meal kan tih bik ah chuan saruh den nawi hman ber thin a ni.

Rock Phosphate: Hei pawh hi tui ah a in chiah zawp theih loh avang in den nawi a thlai tan a pek mai thin tur a ni. Thlai tan chaw tha tak a ni.

Triple Super phosphate: He fertilizer hi chu tui ah a zawp awlsam em em a. Thlai tan phosphorus tha hnem tak a pai tel bawk a ni.

Ammonium Phosphate: Ammonium phosphate ah hian chi hnih hman thin kan nei a, chung te chu-

            Mono Ammonium Phosphate (MAP)

            Di Ammonium Phosphate (DAP)

            Heng pahnih zingah hian Diammonium Phosphate hi hman a awlsam zawk bakah kan hman nasat zawk a ni. Nutrient pahnih Nitrogen leh Phosphorus te a keng tel bawk a ni.

POTASSIC FERTILIZERS

            Potassium hi thlai chakna pet u a ni a. Natna do theihna leh rannung lak a thlai in ven theihna pe tu chu potassium hi a ni. Thlai taksa chhung a chawtha sem rual tu pawimawh tak a ni tel a. Thlai rah tui hnai tak leh tha tak siam thei tu pawh patash tho hi a ni. Potassium kan hmuh theih na fertilizers hrang hrang te chu – Muriate of Potash/Potassium Chloride leh Sulphate of Potash.

FERTILIZER THLAI TAN A PEK HUN LEH PEK DAN:

            Thlai hrang hrang ah hian fertilizer pek hun a in ang lo deuh theuh a. Fertilizer hi pek tlem lutuk a that lo hang chiah in pek tam lutuk pawh thil tha a ni chuang lova. Fertilizer mamawh tawk thlai in an nei hrang theuh tih hriat a tha. Fertilizer thlai tan a kan pek hnu chiah ah thlai chu tui pek nghal thin tur a ni. A hnuai a mi te hi fertilizer kan hman hma a hriat tur pawimawh te an ni-

·      Nitrogen lam chi fertilizer reng reng chu vawi khat a pe zo nghal vek lovin vawi 2, vawi 3 pek atan kan thliar hrang thin tur a ni.

·       Phosphorus pai chu fertilizer te chu vawi khat ah a vai a pek zawh thin tur a ni. Lei al ah chuan tui nen a chawhpawlh a kah mai hi a tha zawk a ngaih a ni.

·        Potassium pai chi fertilizer te pawh vawi khat ah pek zawh nghal vek mai tur a ni.

·       Fertilizer lawng chauh a pek ai chuan bawng ek lei than en a chawhpawlh a pek hi thlai in an ngeih ber bawk a ni.

FERTILIZER KAN HMAN DAN TLANGPUI TE:

Band placement: Hetiang chi ah hi chuan fertilizer kan pek na hmun chu thlai bul hnai te ah a ni thin a. Thlai phun thar hnih inkarah fertilizer kan dah thin a ni.

Row placement: Thlai thar in karah a hma a mi ang deuh tho a pek thin tur a ni a. Thlur khat emaw thlur hnih pawh in pek thin a ni. Alu, Fu, Vaihlo, La, Vaimim etc ah te hian hman nasat a ni thin.

Side Placement: Kan thlai chinna sir lama fertilizer dah thin hi side placement chu ani mai awm e.

Pallet Application: Hei hi buh ah hman nasat bik a ni a. Nitrogen lam chi fertilizer chu hlum chhung ah hrual hnan tur a ni. Hlum chhung a kan hrual hnan chu buh hmun tui tlin na ah a khat tawk a vawm luh mai thin tur a ni.

Drill Placement: Fertilizer to deuh leh tha deuh bik pek nan a hman thin a ni. Fertilizer leh thlai chi chu uluk tak a chawhpawlh in khawl chikhat ‘Driller’ hmang in lei ah chin pawlh mai tur a ni.