BEER THATNA TE

             Beer thatna te sawi tur chuan Beer hi eng tia siam nge a nih hriat hmasak phawt a ngai a. Beer siam nan hian thil chi li a ngai a, chung te chu –

• ·         Buh tun (Barley)
• ·         Hops (thlai chikhat)
• ·         Tui (water)
• ·         Dawidim (yeast)

           Khing a chung a thil pali (4) te khi Beer siam nan a mamawh chu a ni ta mai a. Barley khi Mizoramah kan nei vak lova, Buh tun tiin Mizo chuan kan sawi mai thin a. Barley ai ah Wheat te pawh a hman theih tho a ni, Barley hi buh ang deuhin a rah hi awm a, Cereals zing a chhiar tel niin Gramineae chhungkaw zingah Buh, Wheat, leh vaimim te nen an awm ho a ni . Hops ti a kan dah khi thlai chikhat, zam chi (vines) a ni a, Beer hi hops tel lova siam a nih chuan a thlum suk a, a tui loh avangin he thlai hmang hian tui takin a lo chhuak ta thin a ni. Hops hi Beer um tirh te a telh a nih chuan Beer chu a ti kha deuh fak a, um zawh dawn lam a telh a nih chuan a rim a ti tui thung a ni. Chu bakah Hops hian Beer a ti tha rei a, chemical hmang lova natural preservatives atan pawh a pawimawh hle.  

Hogs thlai (Source: Google)

             Beer siam dawn a pawimawh hmasa ber chu Barley khi a ni ta ber a, Barley rah te chu nisaah emaw an hem ro a, an deng sawm leh a. Chumi hnuah chuan tui sa (tui so nilo) ah darkar khat vel an chiah leh phawt a, hetia tui sa a chiah lai hian enzymes te’n Barley rah (buh fang ang deuh hi a ni tho) a thlum (sugar) awm te chu hman theih turin an ti chhuak a, tuisa a chhuan zawh a lo nih meuh chuan thlum tak, hnang deuh thlik thliak a lo chhuak ta a ni. Hei tak hi an um (fermentation) tawh mai thin a, um a nih hnu hian ‘thlum’ (sugar) kha ‘zu’ (alcohol) leh Carbondioxide ah a lo insiam a, bottle ah dahin hralh chhuah emaw in atan hman a lo ni ta thin a ni.

Barley rah/fang  (Source: Google)

             Beer siam dan leh sawngbawl dan han en hian thil hrisel lo emaw, taksa tana tha lo a awm lo tih a hriat reng a, mahse alcohol a tel tak avang khian mi tam tak chuan a hriselna khi a hrisel lo zawngin an lo hmang ta mai chauh a ni. Chuvangin, Beer hrim hrim hi tha lo emaw ti ta kan awm nawk avang leh Mizoram-ah pawh Beer a tam tak em avangin a tha lam hi inzirtir a inhrilh hriat hi thil pawimawh tak a ni a. Beer thatna te chu a hnuai a mi ang hian in han zir ho phawt ila, post siam leh hunah in (drink) a taksa tan a thatna ziah kan tum thung dawn nia:

Sam tan a tha bakah sam a ti thang chak:

Beer hian Vitamin B leh silicon a pai avangin sam a ti nung a, sam ti hrisel thei tu tha tak a ni. Beer no khat kha thli chhuak la, i samah tatin han massage deuh la sam bul thleng khan. Minute 5 i chiah hnuah tui vawt a sukin sam a ti nalh hle an ti a ni.

Vun a ti mamin a ti nghet.

Beer hian vun chuar tur veng thei antioxidants a pai mai bakah vun timur (skin cells) te chhe mai tur vengin timur a ti thang chak a ni.

Tiang hian Beer thirfiante khat, artui hamda leh almond oil tlem telhin han mix vel la. Hmai fai takah minute 10 vel chiah tawh mai tur a ni.

Mut a ti tui

A hma kan sawi Hops kha natural sedative (mut ti chhuak thei) a ni a, damdawi siam nan te pawh an hmang thin a ni.

Lukham case kha beer leh tui chawh pawlhah han chiah vang vang la, lukham case ah chuan Hops rim a lo nam chek chek a nga, chu chuan mut a ti chhuakin a ti tui bik niin mithiam te’n an sawi a ni.

Ke kham tan a tha

Ke kham leh na deuh thum i neih chuan chawhtawlh ah khan Beer kha han leih la, i ke kha han chiah vang vang mai teh le, ke kham a ti dam sawng sawng thei zuk nia mawle.

Vun timur (cells) thi tawh a ti fai

Vun tan a hrisel mai bakah kan vun timur (cells) te hi insiam thar a thi reng te an nih avang hian vun timur thi tawh te tifai tu (toner) tha tak a ni tel a ni.

Strawberry pum 5 vel leh beer tlem kha han chawk kawi hlarh la, kha kha i vun leh hmai velah belin han chiah vang vang mai la, toner tha tak ani nghal mai.

Sa ti nem tu a ni

Bawngsa fry han siam hian a chang/char duh em em mai a, hemi tih nem nan hian Beer hi tha hle bawk a ni.

Polythene emaw Plastic bawmah sa kha han dah la, beer in han chiah la, fridge ah zankhat i dah chuan sa nem tui tak a siam theih tawh a ni.

Thing tih tlet nan a tha

Beer chhuan lum pap hi puan themah han chiah ila, chu chuan kan furniture hlui tawh leh chul deuh tawh chu han hru ila, a lo tle sar a, a hmel a lo mawi zual thin a ni.

Rannung hnawh bo nan a tha.

Tho emaw rannung chimawm deuh an tam viau chuan Beer tlem hi burte ah thli chhuak ila, a chungah aluminium foil in tuam leh ila, kua tereuh te siam bawk ila. Choka dawhkan emawah han hung ila, thoin an rawn bawm a, a kua kan siamah khan an lut a, mahse an chhuak thei toh mai lova, thang tha tak a ni mai.

Note: Leh pekah Beer in (drink) taksa tan a thatna te ziah leh kan tum dawn nia, till then Cheers :D

(Source: Google image)