Champhai a buh (rice) natna leh eichhetu rannung langsar zual enkawl dan

 Natna:

Blast (Mizo: Buh turh): He natna thlentu hi Pyricularia oryzae a ni a. a hnuai lem hi a awm thin dan a ni a, a natna lai hi a chhung ril a var deuh a, a ukin a hual tlangpui thin a, a hnah mai bakah buh kungah pawh a awm thin a ni.

A enkawl dan:

1.      Buh chi Kg 10 ang zelah Captan 5 gm hmangin tui litre 10 ah darkar 24 chhung chiah thin tur a ni.

2.      Natna a hluar a kum tin buh a tih chhiat chuan Carbendazim (Bavistin) hmang a kah tur a ni a, buh chi kuang (nursery) a tiak tirah vawi khat, chumi hnu ni 30 thum ah vawikhat dang leh, chuan a a vui insiam tan tirh ah a tawp nan vawikhat kah leh tur a ni.

Brown Spot: He natna thlen thin tu hi Helminthosporium oryzae a nia, a hnuai lem hi natna lan chhuah thin dan a ni. A tlangpuiin a hnahah a lem ang hian uk deuh a lo lang chhuak a, a bial raih thin a ni.

A enkawl dan:

1.      A chung a mi ang chiah khian a chi chiah tur a ni.

2.      Potash tlak chham avangin he natna hi a hluar duh bik a, MoP tha tak a buh te chu pek tur a ni.

3.      Natna a awm tawh chuan ni 10 inkar danah Mancozeb 75 WP a buh nte chu kah thin tur a ni a, vawi thum emaw tal kah tur a ni.

Bacterial Leaf Blight: He natna thlentu hi Xanthomonas oryzae niin a hnuai a mi ang hian a natna hi a lang chhuak thin a, buh hnah chu a lo ro a, a thi mai thin a ni.

A enkawl dan:

1.     Urea emaw Nitrogen lam fertilizer pek tam hian a natna a pun lun duh a, tiang natna awmna ah chuan pek tam lutuk tur a ni lo.

2.   Hetiang natna a lo lan chhuah chuan Agrimycin – 100 leh Blitox 500 g te chawh pawlh a buh chu ni 10 inkar danah vawi 3 vel kah tur a ni.

3.      Hetiangna natna in a tih chhiat theih loh buh chi tha (Resistant Variety) hman mai hi a sam khai ber a ni.

BUH EI CHHE TU RANNUNG

Stem Borer: Hei hi a hnuai a mi ang hian pangang a ni a, a puitlin chuan lungphur chikhat a ni thung. Buh kuang chhungah lutin a chhungril atangin a ei chhe thin a, a hluarna hmunah chuan buh in an thih phah mai thin a ni.

A enkawl dan:

1.    Buh hmunah hetiang ei chhetu rannung chu a awm nual chuan a rang lamin Monochrotophos 3 ml per litre hmang a kah thin tur a ni a, Carbofuran emaw Thimet te pawh a hman theih a ni. Sangha in hetiang damdawi hi an haw hle, fimkhur taka hman tur a ni.

2.  Hetiang rannung hian buh kuang chhung a kher thin avangin Systematic insecticide hman a tha a, contact aiin a hman tlak zawk a ni.

Rice Hispa (Mizo: Buh hrik): He rannung hi a hnuai a lem ang khu a ni a, buh hnah chunglam chauh a ei thin a ni.

A enkawl dan: Hetiang rannung hi buhah hmuh a nih chuan Monochrotophos 36 Ec emaw Phosphamidon 85 SL te chu tui litre khatah 3ml pawlhin buh te hneh tak a kah tur a ni a, vawikhatah a reh mai loh chuan ni 10 inkar dan zelah vawi 2 emaw vawi 3 te kah thin tur a ni.

Leaf Roller (Pangang Hnahkhawr): A hnuai a lem kan hmuh ang hian pangang te chuan buh hnah an khawr thin a, a hnahkhawr chhungah chuan awmin buh hnah chu an ei chhe ta thin a ni.

A enkawl dan: Buh hnah khawr chi pangang hi buh hmunah hmuh tur a awm nual chuan a rang lam a damdawi hmang a kah a ngai a, Quinalphos 25 EC emaw Monochrotophos 36 EC hmangin tui litre khatah 3ml vel pawlh a, pangang an rem hma chuan ni 10 dan velah vawi hnih emaw vawi thum kah thin tur a ni.