Thianpa-in "Perils of Oilpalm" tih article ngaihnawm tak mai min rawn hlui a. A bengvar thlak tak zet. Perils of Oilpalm tih chu Mizo tawng chuan "Oilpalm vang a chhiat rup theihna" tihna a ni ber ang chu. He Article in a sawiber chu "Oilpalm vang hian ramngaw a chereu nasa hle a, Oilpalm hmun-ah hian ramngaw pangai aiin nung cha an tlem zawk a, hei hian nasa takin ram a nghawng a ni" tih lam a ni ber ang chu. A ziak tu te hi mithiam tak an nih ngei a rinawm a, An thil ziah pawh hi a dik ngei a ni. Chuan an thu thlukna ber ni a lang chu "Hmanlai Mizo loneih dan (Shifting Cultivation) kha Oil palm plantation aiin ramngaw tan a tha zawk (Ecological point of view)" an rawn ti a ni. Dikna chen a awm ang.
Mahse, Ramngaw tih chereu loh ringawt hi thil tha ber niin a lang lova. Ramngaw leh mihring te hian thiam takin nun ho dan kan zir zawk tur niin a hriat. Oilpalm hi thlai hlawk tak mai a ni a, a hlawk em avang hian a ching tawh te'n an zawm chhang em em a, chuvang chuan ramngaw tam tak thiat in Oilpalm chinna hmun a tan an siam thin a. Hei vang hian ramngaw a chereu thin ta chauh a ni. Amah oilpalm tawp hi chuan thlai dang tan hlauhawm (Allelopathy) engmah thlen a nei lem lo bawk a ni. Chuvang chuan Oilpalm in ramngaw a ti chereu tih awm zia ber chu "oilpalm chinna tur hmun atan mihring ten ramngaw kan thiat nasa" tihna a nih chu
Mahse, Ramngaw tih chereu loh ringawt hi thil tha ber niin a lang lova. Ramngaw leh mihring te hian thiam takin nun ho dan kan zir zawk tur niin a hriat. Oilpalm hi thlai hlawk tak mai a ni a, a hlawk em avang hian a ching tawh te'n an zawm chhang em em a, chuvang chuan ramngaw tam tak thiat in Oilpalm chinna hmun a tan an siam thin a. Hei vang hian ramngaw a chereu thin ta chauh a ni. Amah oilpalm tawp hi chuan thlai dang tan hlauhawm (Allelopathy) engmah thlen a nei lem lo bawk a ni. Chuvang chuan Oilpalm in ramngaw a ti chereu tih awm zia ber chu "oilpalm chinna tur hmun atan mihring ten ramngaw kan thiat nasa" tihna a nih chu
Permanent plantations and settled agriculture also result in permanent loss of forest cover, unlike the temporary loss of forest cover followed by regeneration that is characteristic of shifting cultivation.A chung a thuziak khi kan en chuan Huan ngelnhet tak neih hi an rawn sawichhia ni berin a hriat a, a bik takin Oilpalm plantation an rawn bitum deuh bik a ang hle. Mahse hei hi oilpalm-ah chauh a ni lova, Monoculture angah chuan a ni vek hrim hrim a ni. Sawi angin Oilpalm hian Allelopathic nature a neih loh avangin a mah mal ngau ngau hian ramngaw ti chhe tu a ni lo tih chu kan hriat a tha awm e.
The expansion and impacts of oil palm (Elaeis guineensis and E. oleifera) cultivation in tropical regions, especially in south-east Asian countries, is now a global problem from social, conservation, and climate change perspectives. Palm oil now accounts for a third of vegetable oil use worldwide. The area under oil palm cultivation is rapidly increasing from around 3.6 million hectares in 1961 to over 16.4 million hectares in 2011, much of it by cutting down mature, secondary, and peat swamp tropical forests. The deforestation and burning of forests in southeast Asia for oil palm is leading to species extinctions, water shortages, and widespread pollution, besides contributing to climate change.Oilpalm hlawkzia hi a chung a kan chhiar khian a hriat theih mai. Kum 30 - 40 inkar vel lek chhungin a let engemaw zahin a chinna hmun pawh a pung a. Heti khawp a a pun avang hian a hma a ramngaw ni thin kha Oilpalm chinna hmun atan tam tak chu loh theih loin thiah ngei ngei chu a ngai a nih hi. Ramngaw kan thiah miau chuan nuang cha te chu engemaw zat chu an che reu lo thei lo a ni. Ecological point of view atang chuan thil tha lo tak niin a hriat laiin Economical point of view atang erawh chuan thil hlawk thlak tak niin a hriat thung. A bik takin Underdeveloped countries te tan chuan Oilpalm hi a hlawk em avang hian sum leh pai chan tir atan thil tha tak a ni tlat a ni. Mizoram dinhmun en phei chuan Loneitute hamthatna tur a kan ngaihtuah tamtak zing a hlawhtling ber pawl a ni thei tlat a ni. Deforestation in a tlen tam tak species extinction, water shortages leh pollution an rawn ziah lan khi Lo hal hian a nasa zawkin a hriat. Oilpalm plantation avangin species zawng zawng an extinct a rinawm loh hle a, water cycle kan en chuan oilpalm avang hian kan tuihna a ro thak dawn lo tih pawh a hriat, ecological pollution emaw environmental pollution emaw pawh nise oilpalm hian nasa takin a chhan thei zawk dawn in a hriat a, mahse natural forest, emaw climax forest chu a tluk dawn lo a ni. Mahse kan ecology engemaw chen chan ngam a kan economy kan siam that hi kan tih mak mawh a nisi a ni.
A chung a an rawn ziah khi thudik awmsa a ni a. Sawisel theih vak a ni lo. Khuanu thil rel dan kal hmang a nisa hrim hrim a, mihring in khunu duansa ramngaw kan tih chereu chuan a effect tur chu khi khi a ni sa hrim hrim a ni, tih dan vak a awm lo. Chuvang chuan Mizoram dinhmun en in Oilpalm hi thlai dang aiin a tha lo bik tih theihna chhan tur a awm lo a ni. Eng thlai pawh nise kan phun dawn chuan ramngaw tlem tal chu kan tih chhiat a ngai hrim hrim a ni. Theihai hmun pawh siam dawn ila, a hma thing leh thlai lo to sa te chu kan kih tluk phawt a ngai a ni, Oilpalm hmun chauh a ni bik love. Monoculture hrim hrim hi chuan that lohna tam tak a nei a - disease infestation a ti pung a, Alternate host a siam a, soil fertility tan a pawi thei a, insects leh pest a ti pung a, epidemic pawh hmun tamtak-ah a lo thlen tawh. Chuvang chuan tunlai thiamna sang zelah Monoculture hi engthlai-ah pawh encourage a ni tawh lo hrim hrim mai. A thlak nan inter cropping, sequential cropping, multistorey cropping, relay cropping etc. tam tak hman a ni tawh a ni. Chuvang chuan Oilpalm ah chauh nilovin eng thlai-ah pawh monoculture hi ti tawh lo tur a zirtir mek a ni hrim hrim a ni.Scientific research from rainforests of south-east Asia and the Western Ghats of India attests that industrial monocultures, such as teak, tea, oil palm, and rubber, provide habitat for fewer wildlife species than natural, mature, and secondary forests. A study from Thailand revealed that rubber and oil palm plantations have 60% fewer bird species than lowland rainforest.
Plantation-ah reng reng chuan kan thlai chin te rannung-in an eichhiat lohna turin pesticides, fungicides, insecticides leh chemical hrang hrang kan hman thin avangin Natural forest nen a khaikhin chuan natural diversity chu a tlem zawk ang tih chu phat ngaihna a awm lo a ni. Ecological chain leh pyramid kan en chuan rannung te hi chaw a in ring tawn (Food chain) an nih avangin chemical hmang a eng rannung ber emaw kan control miau chuan rannung dang pawh an tlem phah ngei ang tih chu hriatsa a nih kha. Chuvangin mangan chiamna tur a awm lova, nung cha te chenna hmun dang kan humhalh mai tur a ni.
Dr. Lalnunmawia hian "Bamboo and Canes" kha min zirtir thin a, lehkhabu tam tak a ziah zingah khilai tak mai khi an rawn quote zeuh pek a. He mi an ziah lai hian Oilpalm chin aiin Shifting cultivation a tha zawk tih a sawi ka ring lo reng reng mai. Shifting cultivation hi extinction atan phei chuan plantation siam aiin a hlauhawm fe zawkin keimah mimal phei hi chuan ka ring bur mai. "the fallow period is sufficiently long" tih hian shifting cultivation in a ngawng thui zia chu kan hrethiam mai in a rinawm.
A 2012 review of the science and sustainability of jhum in Mizoram in the journal Agroforestry Systems by Dr Paul Grogan of Queen’s University, Canada, and Drs F. Lalnunmawia and S. K. Tripathi of University of Mizoram, Aizawl, notes
… in contrast to many policy-makers, shifting cultivation is now considered a highly ecologically and economically efficient agricultural practice provided that [authors' emphasis] the fallow period is sufficiently long.
Engpawh nise, ka thu thlukna siamthiam ve dan ah chuan Oilpalm hi a chhe hul hual e ka ti thei lova. A chhan chu Loneitu tamtak te'n an hlawkpui ka beisei tlat vang a ni. Oilpalm hian kan ram leilung leh sik leh sa (Tropical Rain Forest) hi a ngeih em em mai ni in ka lo hre ve a. LPS Loneitute Huang-ah leh Agriculture Dept. in loneitute an kawmna-ah hian fak a hlawh thin viau in ka lo hmu ve a ni. Chuvang chuan Loneitute hian tam takin hlawkpui se la ka tih em em a ni. Chutih rualin thlai dang ang bawkin Oilpalm hi a lo hlawk viau avang mai a kan ramngaw te humhalhna chang hre miah lova kan tih chereu vak vak erawh chuan Oilpalm hi thing anchhe dawng a ni ve thei thung si a ni. Ram ngaw tih chereu nasat lutuk a that loh zia hrevek tu te kan ni a, Loneitute hian ram hi thlai chin nan hal mahse an ni bawk hi a humhalh nasa ber tu zawk an ni ka ti tlat a ni. Ram thing chang tha insak nan a zai tum thin te dang tute pawh loneitute hi an ni thin reng a ni. Chuvang in Oilpalm hi hlawk takin ching ila, chutih rualin kan ramngaw leh nungcha te pawh i hum halh tel zel ang u. A hnuai a mi hi han thlir leh zawk ila-
A chung a mi khi kan en chuan Indonesia ram hian Oilpalm a hlawk em avangin an ram ngaw an ti chereu nasa hle tih a hriat a. Tun atang a kum 9 hnu-ah phei chuan an ramngaw zawng zawng 100 a 98 chu Oilpalm vangin an tih chhe vek dawn niin mithiam te'n an sawi a. Ramngaw chu an ram zawng zawng zau zawng 100 a 2 chauh an nei tawh dawn a ni. Hetiang dinhmun a ding-ah chuan kan Zoram riang te hi keini Zofa te hian kan phal in ka ring lo. Ramngaw tih chereu nasat that loh zia chu kan la hre chho zel dawn niin a lang. Chuvangin keini Mizo te chuan he Oilpalm hi hlawktak a kan chin rualin kan ramngaw te uluk tak a humhalh leh enkawl chungin hmalam i pan ve beuh beuh ang u.
It’s estimated that 98% of Indonesian forest will be gone in 9 years due to palm oil plantations. Tropical rainforests can absorb nearly a third of all CO2 emissions, hence their destruction has a devastating effect of climate change.
